მოგესალმებათ
თბილისის მწვანე სახლი!
La Maison Verte

მწვანე სახლი ბავშვთა და მოზარდთა  ფსიქოლოგიური მომსახურების  ცენტრია, რომელიც 2006 წელს ქართველი და ფრანგი ფსიქოლოგებისა და ფსიქოანალიტიკოსების ერთობლივი თეორიული თუ კლინიკური მუშაობის საფუძველზე დაარსდა. თავდაპირველად ის დიდი ფრანგი პედიატრის, ბავშვთა ფსიქიატრისა და ფსიქოანალიტიკოსის - ფრანსუაზ დოლტოს მიერ შექმნილი „La Maison Verte“ (მწვანე სახლი)  მოდელით შეიქმნა, რომელიც ბავშვთა ფსიქიკური განვითარების დარღვევების პრევენციის მიზნით 0-დან 3 წლამდე ბავშვებსა და მათ მშობლებს ემსახურებოდა.

წლების მანძილზე თბილისის მწვანე სახლის  მომსახურება გაფართოვდა   და დღეს პრევენციასთან ერთად ის უკვე არაერთ თერაპიულ სერვისს სთავაზობს  ბავშვებს, მოზარდებს და მათ მშობლებს ფსიქიკური, ფსიქო-აფექტური, განვითარების, ქცევის თუ სხვა დარღვევების  შემთხვევაში.   

მწვანე სახლში პრევენციული და  თერაპიული   მუშაობა  ბავშვებთან, მოზარდებთან და მათ ოჯახებთან ძირითადად  ფსიქოანალიტიკური თერაპიის  პრინციპებს ეფუძნება. ბავშვთა ფსიქოანალიტიკური თერაპიის ისტორია მეოცე საუკუნის დასაწყისიდან იწყება  და  დღეს ის წარმოადგენს ბავშვთა და მოზარდთა ფსიქოთერაპიის ერთ-ერთ წამყვან მიმართულებას, რომელიც  საუკუნოვან კლინიკურ გამოცდილებასა და მდიდარ  თეორიულ ცოდნას ეფუძნება. ამავე დროს ფსიქოანალიტიკური მიდგომა აღიარებს და ითავსებს იმ თერაპიულ და სასწავლო მიდგომებს, რომელიც ითვალისწინებს   ბავშვის პიროვნულ, ინდივიდუალურ თავისებურებებს, ამა თუ იმ სიმპტომის თუ ქცევის ფსიქიკურ მიზეზებს  და არაძალადობრივი ფორმით ცდილობს დაეხმაროს  ბავშვს განვითარებაში.

​

დაარსებიდან დღემდე მწვანე სახლის გუნდს სისტემურ პროფესიულ დახმარებასა და ზედამხედველობას უწევენ პედოფსიქიატრები, ფსიქოლოგები და  ფსიქოაანალიტიკოსები ფრანგული ასოციაცია - Espace analytique. სწორედ მათი მონაწილეობით და მწვანე სახლისა და საფრანგეთის საელჩოს დახმარებით არაერთი კონფერენცია და სასემინარო კურსი გამართულა თბილისის სხადასხვა უნივერსიტეტში. მწვანე სახლიც სისტემატურად მასპინძლობს კოლეგებსა და სტუდენტებს სტაჟირებისა და პრაქტიკისთვის, პროფესიული დისკუსიებისა თუ სემინარებისთვის.